Rusiyanın Ukraynada başlatdığı müharibə minlərlə rusiyalı idmançını beynəlxalq yarışlarda iştirak etmək hüququndan məhrum edib.
Azpost.info xəbər verir ki, “Xolod” hesablayıb ki, bununla yanaşı, ən azı 204 rusiyalı idmançı 2022-2023-cü illər arasında idman vətəndaşlığını dəyişib.
Bu siyahıya tanınmış peşəkarlar (Avropa və dünya çempionları) və karyerasına yeni başlayan çox gənc idmançılar daxildir.
200-dən çox idmançı arasında şahmatçılar çoxluq təşkil edir. Onların arasında Rusiya şahmat tarixinin ən uğurlu idmançılarından biri olan Aleksandra Kostenyuk da var: qrossmeyster, qadınlar arasında 12-ci dünya şahmat çempionu, ikiqat Rusiya çempionu, Avropa çempionu, milli yarışlar çərçivəsində Dünya Şahmat Olimpiadalarının üçqat qalibidi. O, bundan sonra İsveçrəni təmsil edəcək.
Azpost.info
