Böyük Britaniya, ABŞ və Aİ bu gün İslam İnqilabı Keşikçiləri Korpusu (SEPAH) daxil olmaqla, insan haqlarının pozulmasına görə məsul olan İran rejimi rəsmilərinə qarşı növbəti sanksiyaları elan edib.
Bu barədə Britaniya XİN məlumata yayıb.
İran İnqilabı Keşikçiləri Korpusunun komandirlərindən Möhsün Kərimi, Əhməd Kadem, Həbib Şahsavari, Məhəmməd Nəzər Əziminin adı sanksiya tətbiq olunan şəxslər sırasındadır.
Xarici İşlər Naziri Ceyms Kleverli rejimin öz hərəkətlərinə görə cavab verməsi üçün bir sıra tədbirlər görməyə davam edəcəklərini deyib: “Böyük Britaniya və beynəlxalq tərəfdaşlarımız bu gün bir daha bəyan edirlər ki, biz rejimin amansız zülmünü nəzərdən qaçırmayacağıq”, – deyə nazir bildirib.
