“Koronavirus təhlükəsi ilə əlaqədar həyata keçirilən qabaqlayıcı tədbirlər çərçivəsində Azərbaycan Milli Kitabxanasında da müəyyən işlər həyata keçirilir”.
Bu barədə APA-nın sorğusuna cavab olaraq Azərbaycan Milli Kitabxanasından bildirilib.
Qeyd olunub ki, martın 8-də Milli Kitabxana tamamilə bağlanaraq tam şəkildə profilaktik dezinfeksiya tədbirləri həyata keçirilib: “Hər gün bir neçə dəfə bütün zallarda, dəhlizlərdə, giriş qapılarında və sanitar qovşaqlarında dezinfeksiya işləri aparılır. Mədəniyyət Nazirliyinin müvafiq tapşırığına əsasən, martın 3-dən kitabxanada bütün kütləvi tədbirlərin keçirilməsi müəyyən vaxtadək təxirə salınıb. Milli Kitabxananın bağlanması barədə isə heç bir göstəriş verilməyib”.
