Bayden Fələstin lideri ilə görüşdən imtina edib

“Ağ Ev Fələstin lideri Mahmud Abbasın keçən həftə BMT Baş Assambleyasının 76-cı sessiyasının yüksək səviyyəli həftəsi çərçivəsində ABŞ lideri Co Baydenlə görüş keçirmək istəyini rədd edib”.

Bu barədə “Axios” informasiya portalı ABŞ və Fələstin mənbələrinə istinadən məlumat yayıb.

Bildirilib ki, bir neçə həftə əvvəl Mahmud Abbas köməkçiləri ilə BMT-yə şəxsən getməsini müzakirə edib. Bununla əlaqədar, Baydenlə Nyu-Yorkda və ya az sonra Vaşinqtonda yüksək səviyyəli həftə çərçivəsində görüşmək üçün bir fürsətin olub-olmayacağını öyrənmək qərara alınıb.

Lakin Ağ Evdəki mənbələrə Baydenin Nyu-Yorkda heç bir ikitərəfli görüş keçirməyəcəyini və Vaşinqtondakı görüşün də prezidentin iş qrafikinə uyğun olmadığını bildirib.

Belə olan halda Mahmid Abbas ABŞ-a səfərini təxirə salaraq, videoçıxışla kifayətlənməli olub.

“Axios”a görə, bu halda Ağ Evin davranışı Fələstin-İsrail nizamlanması məsələsinin Bayden administrasiyası üçün prioritet olmadığını göstərir.

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

Bu gün Milli Məclisin payız sessiyası başlayır

Sonrakı məqalə

“Kubinka”da qız oğlanı bıçaqlayıb