Çin “Vaqner”i silahla təmin etməkdən imtina edib və bununla da Rusiyanın tələbinə məhəl qoymayıb.
Azpost.info xəbər verir ki, bu barədə “Financial Times” Pentaqondan sızan məxfi sənədlərə istinadən yazır.
ABŞ kəşfiyyatının məlumatına görə, Çin 2023-cü ilin əvvəlində “Vaqner”dən silah xahişi alıb.
Həmin ərəfədə də “Vaqner”in qurucusu Priqojin Müdafiə Nazirliyindən kifayət qədər təchizat olmamasından açıq şəkildə şikayət etməyə başlamışdı.
“Financial Times” istinad etdiyi sənəddə deyilir ki, Çin nəinki Rusiyaya silahların sınaq partiyalarını göndərməyib, həm də mümkün tədarüklərlə bağlı “Vaqner”lə əlaqə saxlamayıb.
Azpost.info
