Çindən diplomatlarının ABŞ-dan deportasiyası ilə bağlı sərtBƏYANAT

Çin hökuməti iki diplomatının ABŞ-dan çıxarılması ilə bağlı bu ölkəyə sərt bəyanat verib.

“Report” “Reuters”ə istinadən xəbər verir ki, bu barədə Çin Xarici İşlər Nazirliyinin sözçüsü Qenq Şuang ənənəvi brifinq zamanı bildirib.

“Bu ittihamlar gerçəkliyi kobud şəkildə təhrif edir. Biz Birləşmiş Ştatlara səhvlərini düzəldərək sözügedən qərardan daşınmağı, diplomatik əlaqələrə dair Vyana Konvensiyasının müddəalarına əməl edərək Çin diplomatlarının hüquqlarını qorumağı təkidlə tələb edirik”,- XİN sözçüsü vurğulayıb.

Xatırladaq ki, ABŞ hökuməti Çin səfirliyinin iki əməkdaşını daha əvvəl Virciniya ştatındakı Norfolk hərbi bazasına daxil olmaları üçün ölkədən çıxarıb. Diplomatdan birinin xüsusi xidmət əməkdaşı olduğu güman edilir. ABŞ KİV-nin yazdığına görə, çinli diplomatlar həmin bazanın təhlükəsizlik sistemini yanğın maşınından istifadə edərək dəf etmişlər.

ABŞ son 30 ildə çinli diplomatları casusluğa görə ölkədən çıxartmayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

İsa Qəmbərin deputatlığa namizəd olacağı dairə açıqlandı

Sonrakı məqalə

Müsavat Partiyası deputatlığa namizədlərin adlarını açıqladı –