Rusiya Azərbaycan və Ermənistan tərəfini vəziyyəti gərginləşdirməkdən çəkinməyə çağırıb.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə mayın 11-12-də Ermənistan-Azərbaycan şərti sərhədində, Zod yaşayış məntəqəsində baş verən insident barədə danışarkən bildirib.
“Hal-hazırda vəziyyət sabitləşib. Biz Azərbaycan və Ermənistan tərəfini vəziyyəti gərginləşdirməkdən çəkinməyə çağırırıq. Hesab edirik ki, bütün mübahisəli məsələlərin həlli siyasi-diplomatik metodlarla baş tutmalıdır. Biz buna hər cür yardım etməyə hazırıq, o cümlədən mayın 19-da keçirilməsi planlaşdırılan üçtərəfli görüşlərdə, hansı ki, mən artıq bunun anonsunu vermişəm”, – deyə Rusiya XİN sözçüsü qeyd edib.
