G7-nin xarici işlər nazirləri Rusiyaya və onun Ukraynadakı xüsusi hərbi əməliyyatını dəstəkləyən ölkələrə qarşı sanksiyaları davam etdirəcəklərini bildiriblər.
Azpost.info xəbər verir ki, bu barədə TASS məlumat yayıb.
G7 ölkələrinin xarici işlər nazirləri Ukraynanın bərpasına dəstək üçün koordinasiya mexanizminin yaradılmasını da elan ediblər.
“Reuters” xəbər verir ki, Münsterdə keçirilən G7 nümayəndələrinin görüşü çərçivəsində onlar Kiyevə hansı silahların verilməli olduğunu öyrənmək üçün Ukraynadakı münaqişənin hazırkı vəziyyətini müzakirə ediblər. Nazirlər bildiriblər ki, bu silahlar Ukrayna tərəfinə özünü Rusiyadan qorumağa kömək etməlidir.
“Onlar qışa hazırlaşmaqda Ukraynanın üzləşdiyi problemləri müzakirə etdilər və Ukraynaya mühüm enerji və su infrastrukturunun təmiri, bərpası və qorunmasına kömək etmək üçün G7 koordinasiya mexanizminin lazım olduğu barədə razılığa gəldilər”, – agentlik yazır.
Azpost.info
