İrəvanda Qafqazdakı ABŞ səfirlərinin regional toplantısı keçiriləcək –

Kimlər qatılacaq? (ADLAR)
02 Noyabr 2021 - 11:39
ABŞ Dövlət Departamentinin Avropa və Avrasiya Məsələləri Bürosunda Katib müavininin yeni təyin olunmuş köməkçisi Erika Olson regional əməkdaşlığı inkişaf etdirmək və ikitərəfli məsələləri müzakirə etmək üçün Ermənistan, Azərbaycan və Gürcüstana səfər edəcək.
Azpost.info bildirir ki, bu barədə ABŞ-ın Azərbaycandakı səfirliyinin yaydığı məlumatda deyilir.
“İrəvanda olarkən Katib müavininin köməkçisi xanım Olson 2-4 noyabr tarixlərində ABŞ-ın Ermənistandakı səfiri Lin M.Treysi, ABŞ-ın Gürcüstandakı səfiri Kelli C.Deqnan və ABŞ-ın Azərbaycandakı səfiri Li Litzenberqer, həmçinin Qafqaz danışıqları üzrə baş məsləhətçi Andryu Schofer və USAID Administrator müavininin köməkçisi Aleksandr Sokolovski ilə birlikdə Missiya Rəhbərlərinin regional toplantısında iştirak edəcək“-deyə məlumatda vurğulanır.
ABŞ səfirliyi bildirir ki, bu çoxdankı ənənəni bərpa etməkdən və regiondakı hər üç ölkə ilə bağlı siyasətimizi daha yaxşı əlaqələndirmək məqsədi ilə fikir və məlumat mübadiləsi aparmaq üçün regiondan və Vaşinqtondan olan həmkarlarımızla bir araya gəlməkdən məmnundur.
2019-cu və 2018-ci illərdə ABŞ-ın Bakıdakı və Tbilisidəki səfirlikləri regional missiya rəhbərlərinin görüşlərinə ev sahibliyi ediblər.