İranın quru qoşunları sabahdan şimal-qərb rayonlarında hərbi təlimlərə başlayır.
Azpost.info İSNA agentliyinə istinadən bildirir ki, bu barədə İranın quru qoşunlarının briqada generalı Əmir Kimars Heydəri açıqlama verib.
“Xeybərin fatehləri” adlanan hərbi təlimlər zirehli texnika hissələri, artilleriya, PUA-ların iştirak edəcək.
“Hərbi hissələrin iştirakı ilə keçirilən bu təlimlər həmin rayonda hərbi hazırlığın güclənidirlməsi məqsədi ilə keçirilir. Bu təlimlər təqvim planı əsasında aparılır və silahların, texnikanın sınaqdan çıxarlımasını nəzərdə tutur. Təlim eyni zamanda İranın sərhədində Silahlı Qüvvələrin hərbi hazırlığının qiymətləndirilməsi baxımından aparılır”-deyə general Heydəri vurğulayıb.
