Tacikistanın paytaxtı Düşənbədə Əfqanıstan Strateji Araşdırmalar İnstitutu (AISS) tərəfindən təşkil edilən “İnklüziv siyasi sistem: İrəli yol” mövzusunda 10-cu Herat Təhlükəsizlik Dialoqu işə başlayıb.
Azpost.info xəbər verir ki, iki gün davam edən iclasın açılış bəyanatları zamanı ev sahibi ölkədən olan natiqlər Əfqanıstanda terror təşkilatlarının böyüməsindən narahat olduqlarını bildirib.
Tacikistan xarici işlər nazirinin müavini Müzəffər Hüseynzadə çıxışında Əfqanıstanda terror təşkilatlarının, xüsusilə İŞİD və Əl-Qaidənin güclənməsindən narahat olduğunu deyib. Həmçinin əlavə edib ki, Əfqanıstanda narkotik istehsalı və qaçaqmalçılığı da son bir ildə əhəmiyyətli dərəcədə artıb. Tacikistan rəsmisi Əfqanıstan hökumətini indiki formada qınamağa davam edərək bildirib ki, Tacikistan inklüziv və məsuliyyətli Əfqanıstan hökumətinin yaradılmasını prioritetləşdirir və dəstəkləyir.
ABŞ-ın müvəqqəti işlər vəkili Karen Decker illik Herat təhlükəsizlik danışıqlarına reaksiya verərək bunu Əfqanıstandakı vəziyyəti müzakirə etmək və həll etmək üçün əla fürsət adlandırıb.
Tədbirə müxtəlif ölkələrdən 200-dən çox iştirakçı qatılıb.
L.SƏMLA
Azpost.info