Şimali Koreya lideri Kim Çen Inın bacısı Kim Yo Çjon ABŞ prezidenti Co Baydeni “gələcəyi olmayan qoca” adlandırıb.
Azpost.info xəbər verir ki, Kim bununla ABŞ liderinin KXDR-in Cənubi Koreyaya nüvə zərbəsi endirəcəyi təqdirdə Pxenyanda hakim rejim dəyişikliyinin baş verəcəyi ilə bağlı sözlərinə reaksiya verib.
“Gələcəyi olmayan, ABŞ-ın təhlükəsizliyinə, gələcəyinə cavabdeh ola bilməyən və prezident kimi işinin öhdəsindən gəlməkdə çətinlik çəkən qocanın bu fikirlərini cəfəngiyyat hesab etmək olar”, – Kim Yo Cjon bildirib.
Onun sözlərinə görə, ABŞ və Cənubi Koreya liderlərinin görüşündə səslənən bəyanatlar dünyada təhlükəsizlik vəziyyətini pisləşdirəcək.
Azpost.info
