Pitermaritsburq şəhərinin Ali Məhkəməsi Cənubi Afrika Respublikasının (CAR) sabiq Prezidenti Ceykop Zumanın həbsinə order verib.
APA-nın RİA “Novosti” agentliyinə istinadən verdiyi məlumata görə, “SABC News” telekanalı xəbər verir ki, C. Zuma fevralın 4-də keçirilən məhkəmə prosesinə gəlmədiyi üçün Məhkəmə Təqibi Milli İdarəsi məhkəmədən onun həbsinə order verilməsini istəyib. Dövlət ittihamçısı Billi Dauner bildirib ki, təqsirli bilinən şəxsin məhkəməyə gəlməməsi cinayət sayılır.
İdarə, həmçinin, sabiq Prezidentdən məhkəməyə gəlməməsinin səbəbi kimi göstərdiyi səhhətində problem yaranmasını təsdiq edən tibbi sənəd istəyib.
