Özbəkistan prezidenti Şavkat Mirziyoyev bildirib ki, azad mətbuatı qapatmaq fikrində deyil.
“Biz qapalı ölkə olduğumuz və mətbuata dəstək vermədiyimiz üçün xalqın ədalətli səsini eşitmədik. Eşitmədik… Azadlığın nəfəsi xoş gəlir? Mənim xoşuma gəlir. Bəli, belə işləmək mənim üçün daha çətindir. Mənə deyirlər ki, bağla, amma bağlamayacam”, – Mirziyoyev deyib.
Prezident qeyd edib ki, mətbuatla dost olmaq lazımdır: “Qoy, danışsınlar, amma ədalətli danışsınlar. Qoy, tənqid etsinlər, amma düz tənqid etsinlər. Kəndə, məktəbə, təhsilə faydalarl olacaqsa, bu, ancaq xeyrimizədir. İnternet də daxil olmaqla, hər gün oxuyuram. İmkan daxilində bunun üçün iki saat ayırıram. Qələmlə özüm üçün qeydlər edirəm. 10 fikirdən 9-u düz çıxır. Bu doğru istiqamətdirmi? Doğrudur…”.
Azpost.info