Ukrayna Xarici İşlər Nazirliyi MDB ölkələri liderlərinin Qələbə günü münasibətilə Moskvaya gəlməsini “qeyri-dost addım” adlandırıb.
Azpost.info xəbər verir ki, XİN bunu həm də Ukrayna xalqına hörmətsizlik kimi qiymətləndirib.
“Biz xarici dövlət liderlərinin bu tədbirdə iştirakını Ukraynaya qarşı qeyri-dost addım, Ukrayna xalqına qarşı hörmətsizlik kimi qiymətləndiririk”, – bəyanatda deyilir.
Qələbə Günü münasibətilə Moskvaya Belarus prezidenti Aleksandr Lukaşenko, Qırğızıstan lideri Sadır Japarov, Ermənistan Baş naziri Nikol Paşinyan, Qazaxıstan prezidenti Kasım-Jomart Tokayev, Tacikistan prezidenti Emoməli Rəhmon, Özbəkistan prezidenti Şavkat Mirziyoyev və Türkmənistan prezidenti Serdar Berdiməhəmmədov gəlib.
Azpost.info
