Beynəlxalq tədqiqatçılar qrupu iş zamanı musiqi dinləyərkən insanın fərdi xüsusiyyətlərinin onun məhsuldarlığına necə təsir etdiyini müəyyən edib. AzPost xəbər verir ki, bu barədə “The Conversation” portalı məlumat yayıb.
Yeni bir araşdırma müəyyən edib ki, musiqinin qavranılması və onun işdə məhsuldarlığa təsiri fərddən asılıdır.
Alimlər deyirlər ki, musiqi seçilmiş janrdan asılı olaraq həm faydalı, həm də diqqəti yayındıra bilər. Bundan əlavə, musiqinin təsiri tapşırığın xarakterindən asılı olaraq dəyişir. Enerjili və canlandırıcı musiqiyə qulaq asdığınız zaman sadə və gündəlik işlər asanlaşır. Bununla belə, oxumaq və ya yazmaq kimi mürəkkəb koqnitiv tapşırıqlara gəldikdə, diqqəti yayındıran mətnlər və ya yüksək səslər maneə ola bilər.
Musiqinin tempi də eyni dərəcədə mühüm rol oynayır. Yavaş və sakit melodiyalar diqqəti toplamağa kömək edir, aqressiv musiqi isə diqqəti yayındıra bilər.
Alimlər əhvalınızı və diqqətinizi yaxşılaşdırmaq üçün işə başlamazdan əvvəl sevimli musiqinizi dinləməyi məsləhət görürlər.
Azpost.info
