“Ordu quruculuğumuz uğursuzluğa düçar oldu” –

Paşinyandan etiraf
08 Noyabr 2021 - 14:42

 “Bizim bu illərdəki ordu quruculuğumuz uğursuzluğa düçar oldu”.

Azpost.info bildirir ki, bu sözləri Ermənistanın baş naziri Nikol Paşinyan İctimai Televiziyaya verdiyi müsahibəsində bildirib. Onun sözlərinə görə, ordu quruculuğunda fundamental problemlər olub. “Bütün bunlara hüquqi qiymət verilməlidir. Hansı səhvlər buraxılıb?”

Paşinyan deyib ki, keçmiş hakimiyyətlər ötən illərdə ordunu toxunulmaz və qapalı saxlayıb.

“Bəyanatlarla reallıq arasında uçurum olub. Təhlükəsizlik Şurasına ordudan “bir addım geriyə olmaz!” prinsipi ilə ön cəbhəni saxlayacaqlarına dair məruzə olunur, amma praktikada bu baş vermir. Bunlar ciddi müzakirə edilməlidir”-deyə baş nazir vurğulayıb.

Paşinyan deyib ki, müharibənin epizodları üzrə 1000 cinayət işi açılıb, 40 nəfər ittiham olunur.

Azpost.info