Qərblə sıx əlaqələri olan Qazaxıstan və Qırğızıstan sanksiyalara qoşulsa, Rusiya ölkəyə gələn ərzaq və dərmanların bir hissəsindən məhrum ola bilər.
Azpost.info xəbər verir ki, bu barədə rusiyalı maliyyə analitiki Vladislav Antonov məlumat verib.
“Qazaxıstan və Qırğızıstan paralel idxalı qadağan edə bilər. Bu ölkələr Qərbin sanksiyalarına qoşulsa, onların ərazilərindən keçən bəzi malların Rusiyaya tədarükü risk altında ola bilər. Bu, yükdaşıma, taxıl, ərzaq, dərman, elektronika və digər mallara aid edilə bilər”, – Antonov bildirib.
Bundan əvvəl Rusiya xarici işlər nazirinin müavini Mixail Qaluzin konkret dövlətlərin adını çəkmədən bir sıra ölkələrin Qərbin məhdudlaşdırıcı tədbirlərinə əməl etməyə hazırlaşdığını bildirmişdi.
“Eyni zamanda, Qazaxıstan və Qırğızıstan Qərbin sanksiyalarına qoşulsalar və ya ən azı onları pozmasalar, Rusiyanın təzyiqi ilə üzləşəcəklər”, – Antonov qeyd edir.
Ekspert hesab edir ki, Rusiyanın digər ölkələrlə iqtisadi və ticarət əlaqələrini artırmaq imkanı var ki, bu da itkiləri qismən kompensasiya edir.
Azpost.info
