Türkiyədə mayın 28-də keçiriləcək prezident seçkilərinin ikinci turu çərçivəsində xarici ölkədələrdə yaşayan 1 milyon 647 min 987 Türkiyə vətəndaşı səs verib.
APA-nın İstanbul müxbirinin verdiyi xəbərə görə, bu barədə Türkiyə Ali Seçki Komissiyası (YSK) məlumat yayıb.
Qeyd olunub ki, səsvermə 73 ölkədəki 156 nümayəndəlik və gömrük qapılarında (sərhəd) davam edir. Türkiyə xaricində ümumilikdə 3461 seçki qutusu qoyulub.
Xaricdə yaşayan vətəndaşlar üçün səsvermə prosesi mayın 24-dək davam edəcək.
