Prokuror Bakı Apellyasiya Məhkəməsinin sabiq hakiminin həbs edilməsini tələb edib

Uzun illər Bakı Apellyasiya Məhkəməsinin və Suraxanı Rayon Məhkəməsinin hakimi olmuş Lətif Nəbiyev həbs oluna bilər. Sentyabrın 29-da Bakı Ağır Cinayətlər Məhkəməsində prokuror onun 9 il azadlıqdan məhrum olunmasını təklif edib.

Prokuror bildirib ki, Nəbiyevə qarşı CM-in 178.3.2 (külli miqdarda ziyan vurmaqla dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə irəli sürülmüş ittiham məhkəmə araşdırmasında sübuta yetirilib. Keçmiş hakim iki nəfərə qarşı dələduzluqda suçlanır. İddia olunur ki, Nəbiyev tanışı Rüstəm Abdullayevdən birgə biznes adıyla 59 min 700 dollar, Azad İbrahimovdan isə Bakıda Bilgəh qəsəbəsində dəniz kənarında və Xətai rayonunda onun üçün torpaq sahələri almaq adıyla 247 min 500 dollar pul alıb.

Nəbiyev istintaq və məhkəmə dövründə həbsdə olmayıb. Onun barəsində polis nəzarətinə vermə növündə qətimkan tədbiri seçilib. Prokuror təklif edib ki, bu qətimkan tədbiri həbslə əvəzlənsin, sabiq hakim elə məhkəmə zalında həbs edilsin.

Zərərçəkmişlər də onlardan alınan pulun qaytarılmadığını deyərək Nəbiyevə ağır cəza verilməsini tələb ediblər.

Özünü təqsirli bilməyən Nəbiyev növbəti məhkəmə iclasında son sözünü deyəcək.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

İsrail biznesmenini öldürmək üçün Kiprə göndərilən azərbaycanlı killer ələ keçib –

Sonrakı məqalə

Bakıda polis rəisinin sürücüsü məktəbli uşağa təcavüz edib