Finlandiyanın xarici işlər naziri Pekka Haavisto NATO-ya üzvlüklə bağlı sənədi ABŞ-a təhvil verib.
Azpost.info xəbər verir ki, yeni üzvlərin qəbulu ilə bağlı sənədlər ABŞ-da saxlandığından ölkənin Alyansa daxil olması üçün rəsmi prosedur başa çatıb.
Mərasim NATO-nun saytında yayımlanıb.
“Bu sənədin alınması ilə biz Finlandiyanı Şimali Atlantika Müqaviləsinin 31-ci üzvü elan edə bilərik”, – ABŞ dövlət katibi Entoni Blinken bildirib.
NATO Baş katibi Yens Stoltenberq Finlandiyanın üzvlüyünün şərəfinə etdiyi çıxışda Rusiya prezidenti Vladimir Putinin NATO-nun “qapısını örtmək” istədiyini, lakin daha çox NATO ilə qarşılaşdığını deyib.
Finlandiya Müdafiə Nazirliyinin binası yaxınlığında Alyansın bayrağı qaldırılıb.
Azpost.info
