Rusiya prezidenti Vladimir Putin və türkiyəli həmkarı Rəcəb Tayyib Ərdoğan Soçidə keçiriləcək görüşdə “taxıl sazişi”nin yeni formulunu müzakirə edəcək
Azpost.info xəbər verir ki, bu barədə Türkiyənin “Hürriyet” qəzeti yazır.
Nəşrin məlumatına görə, ötən həftə Ukraynada səfərdə olan və indi Moskvaya gəlməyə hazırlaşan Türkiyənin xarici işlər naziri Hakan Fidan bu təşəbbüsü inkişaf etdirməyə çalışacaq.
Nəşr qeyd edir ki, Fidan Kiyevdə əvvəlki şərtlərə qayıtmaq istəməyən, eyni zamanda yeni razılaşmalara qarşı çıxmayan Ukrayna hakimiyyətinin mövqelərini dinləyib. Fidan Moskvada da bu mövzuda Rusiya rəsmilərinin mövqeləri ilə tanış olacaq.
Bundan sonra Ankara BMT-yə sazişin yeni variantlarını təklif edəcək və prezidentlərin müzakirə edə biləcəyi formul hazırlayacaq.
Soçi görüşünün sentyabrın 4-də baş tutacağı bildirilir.
Azpost.info
