Sosial şəbəkədə korifey sənətkarımız Rəşid Behbudovun qiymətli arxiv fotosu qapalı onlayn hərracda satışa çıxarılıb.
Azpost.info “Fotoxronika” layihəsində həmin şəkli oxucularına təqdim edir.
Foto çox guman ki, 1970-ci illərin sonlarında çəkilib. Şəkildə Rəşid Behbudovla birgə Azərbaycan Milli Məclisinin sabiq sədri Murtuz Ələsgərov əks olunub.
Həmin dövrdə Murtuz Ələsgərov Bakı Dövlət Universitetinin müəllimi idi. Bundan başqa o AZTV-də “Planetimizin mənzərəsi” həftəlik icmalının aparıcısı idi.
Şəkildə həmçinin tanınmış estrada muğənnisi, gənc Mübariz Tağıyev və ustad musiqiçi mərhum Rafiq Babayev və daha bir neçə nəfər də var.
Hərracda bu fotoya ilkin qiymət olaraq 150 manat qiymət qoyulub.
Rəşid Behbudovun qızı Rəşidə Rəşid fotonun hərraca çıxarılmasına etirazını bildirib. Sosial şəbəkədə etdiyi paylaşımda o yazıb ki, bunun üçün icazə almaq lazım idi: “Heç olmasa Rəşid Behbudovun yeganə varisi olan qızı Rəşidə xanımdan icazə almaq olardı. Bu əxlaqsızlığa nə ad vermək olar? Biz hara gedirik?”-deyə Rəşidə xanım narazılığını bildirib.
Azpost.info
