Bu gün səhər saatlarında Rumıniyada 4,1 bal gücündə zəlzələ baş verib.
Azpost.info xəbər verir ki, bu barədə Rumıniya Milli Geofizika İnstitutu məlumat yayıb.
Yeraltı təkanların episentri ölkənin cənub-qərbində, Serbiya ilə sərhədə yaxın ərazidə, təxminən 108 km dərinlikdə olub.
Zəlzələ yerli sakinləri qorxudub, insanlar küçələrə qaçıblar.
Xatırladaq ki, fevralın 13-14-də eyni ərazidə 5,2 və 5,7 bal gücündə daha güclü zəlzələlər baş vermiş, hər ikisinin episentrləri bir-birindən 20 km-dən az məsafədə yerləşmişdi.
Əsas təkanlardan sonra ərazidə yüzlərlə afterşok qeydə alınıb.
Azpost.info
