Rusiya ilə bağlı gəmilərə ABŞ limanlarına daxil olmaq qadağan ediləcək.
Bu barədə ABŞ Prezidenti Co Bayden Ağ Evdən canlı yayımda çıxışı zamanı bəyan edib.
“Bu gün mən elan edirəm ki, Avropada olduğu kimi, ABŞ-da da Rusiya ilə bağlı gəmilərin bizim limanlarımıza girişi qadağan olunur. Rusiya bayrağı altında üzən və ya Rusiya ilə bağlı hər hansı şirkətdən qeydiyyatdan keçən gəmi bizim limanlarımıza və sahillərimizə daxil ola bilməyəcək. Heç bir rus gəmisi!”, – o qeyd edib.
