Yeni regionların sakinlərinə bu il martın 1-dən etibarən pensiyalar Rusiya qanunvericiliyinə uyğun olaraq təyin ediləcək və ödəniləcək.
Azpost.info xəbər verir ki, əgər onlara artıq pensiya ödənilibsə, vətəndaşlar Rusiya qanunlarına uyğun olaraq onun yenidən hesablanması üçün müraciət edə bilərlər.
Yenidən hesablamadan sonra pensiya əvvəlkindən az olarsa, pensiyaçıya müvafiq əlavə ödəniş veriləcək.
Üstəlik, pensiyanın alınması üçün ərizə daha gec verilsə belə, martın 1-dən təyin ediləcək.
“Ukraynanın “DXR”, “LXR”, Xerson və Zaporojye vilayətlərindən Rusiya ərazisinə gələnlər Rusiya vətəndaşları ilə bərabər əsasda pensiya almaq üçün Rusiya Sosial Fonduna müraciət etmək hüququna malikdirlər. Bunun üçün pensiyanın ölçüsünü artıra biləcək iş stajı və qazanc, himayəsində olan şəxslər, müxtəlif digər arayışlar və çıxarışlar haqqında sənədlər təqdim etməlidirlər”, – məlumatda deyilir.
Azpost.info
