“Prezidentin quluyam…Sərəncam gözlənilməz oldu”-İşdən çıxarılan nazir müavini

Xəbər verdiyimiz kimi, Azərbaycan Respublikasının Prezidenti İlham Əliyevin 29 noyabr 2021-ci il tarixli Sərəncamları ilə İntiqam Vaqif oğlu Babayev və İsmayıl Sultan oğlu İsmayılov Gənclər və İdman nazirinin müavini vəzifəsindən azad ediliblər.
İsmayıl İsmayılov Qaynarinfo-ya açıqlamasında bildirib ki, bugünkü sərəncam onun üçün gözlənilməz olub:
“Buna baxmayaraq, mən ömrümün sonunadək Prezidentimizin quluyam. Ölkə başçısının yolunda hər şeyə hazıram. 15 il nazir müavini postunda oldum.
Bundan böyük nə ola bilər? Əbədi heç nə yoxdur. Bu gün mən deyərdim ki, ölkədə bütün inkişaf onun sayəsində gedir. Son 300 ildə bizim torpaqlarımız alına-alına gedirdisə, bu gün onun sayəsində işğal olunan ərazilərimiz düşmən tapdağından azad olunub. Allah prezidentimizi qorusun”.
İsmayıl İsmayılov bundan sonra hansı işlərlə məşğul olacağından da danışıb:
Pedoqoji elmlər namizədi alimlik dərəcəsinə və Professor elmi adına layiq görülmüşəm. Bundan sonra elimi işlərlə məşğul olacağam”.
Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

On ayda ölkəyə 68 min minik avtomobili gətirilib –

Sonrakı məqalə

“Qızıl top” mükafatına ilk 10 finalçı məlum olub –