Sabah Azərbaycanda qış fəsli başlayacaq

21 Dekabr 2019 - 12:30

Qış fəsli sabah Azərbaycana daxil olacaq.

Bu barədə Modern.az-a Azərbaycan Milli Elmlər Akademiyası (AMEA)  N.Tusi adına Şamaxı Astrofizika Rəsədxanasından məlumat verilib. Məlumata görə, qış fəsli Azərbaycana dekabrın 22-si Bakı vaxtı ilə saat 08:19-da daxil olacaq.

Bu zaman Yerin fırlanma oxu Günəş istiqaməti ilə ən böyük bucaq əmələ gətirəcək və ya Günəş həmin an üfüqdən minimum hündürlükdə olacaq. Həmin gün ən qısa gündüz, ən uzun gecə qeydə alınacaq.