“Soçidə imzalanmış Bəyanatı dəstəkləyirəm” –Fransa senatoru Qule

26 noyabr 2021-ci ildə Azərbaycan və Rusiya Prezidentləri ilə Ermənistan Baş naziri arasında keçirilən görüşün sonunda növbəti Üçtərəfli Bəyanat imzalandı. Fransa senatoru, Azərbaycanın yaxın dostu Natali Qule öz bloqunda Soçi görüşünə və qəbul edilmiş Bəyanata öz münasibətini bildirib.
Senator Natali Qulenin münasibəti aşağıdakı mətndə öz əksini tapır.
“Dünən Rusiya prezidenti Putinin moderatorluğu ilə Ermənistan və Azərbaycan arasında imzalanmış Bəyanatı dəstəkləyirəm.
Onu da qeyd etmək istərdim ki, sülhə nail olunması tərəflərin özlərindən asılıdr və bu mənada siyasi partiyaları sülhə yox, müharibəyə sürükləyən və heç də sülhə xidmət etməyən erməni lobbisinin fəaliyyəti xüsusi narahatlıq doğurur. Məsələnin həlli xaricdən yox, Azərbaycan və erməni xalqlarının özlərindən asılıdır. Bu baxımdan dünən əldə olunmuş razılaşmalar bölgədə sülhün və sabitliyin təmin olunması üçün böyük addımdır. Mən belə bir razılaşmanın əldə olunmasından çox şadam və ümidliyəm. Hesab edirəm ki, bu çox vacib addımdır. Amma çox istərdim ki, bütün dünyada erməni lobbisi hazırkı proseslərə mane olmaq istiqamətindəki fəaliyyətini dayandırsın. Əvvəllər də dediyim kimi, onların fəaliyyəti hər hansı bir nəticənin əldə olunmasını şübhə altına qoyur.
Mən bölgədə yaşayan bütün insanlara ən xoş arzularımı çatdırıram. Bildiyiniz kimi, mən Azərbaycanı və onun ərazini bütövlüyünü dəstəkləyirəm”.
Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Azərbaycanda son sutkada 1 617 nəfər COVID-19-a yoluxub, 22 nəfər ölüb

Sonrakı məqalə

Sahibə Qafarova Mustafa Şentopla görüşüb