Sosialist Əməyi Qəhrəmanı Qərib Orucov vəfat edib –FOTO

Azərbaycanda Sosialist Əməyi Qəhrəmanı vəfat edib.

Şabran rayonunun Ağalıq kənd sakini, 1935-ci il təvəllüdlü Orucov Qərib Əzizəli oğlu bu gün yaşadığı evdə dünyasını dəyişib.

Qeyd edək ki, Q.Orucov 1935-ci ildə Siyəzən rayonunun Dağ Quşçu kəndində anadan olub.

1955-ci ildən fəhlə kimi çalışmağa başlayıb. Daha sonra usta köməkçisi, tərəvəzçilik briqadası ustası kimi fəaliyyət göstərib. 1979-cu ildən – partiya komitəsinin katibi, 1982-ci ildən – Şabran rayonundakı sovxozun direktor müavini, sonradan Həmkarlar İttifaqı Komitəsinin sədri olub.

Tərəvəz, meyvə, üzüm, çay yarpağı və tütün istehsalı və tədarükü sahəsində qazandığı uğurlara görə SSRİ Ali Soveti Rəyasət Heyətinin 30 aprel 1966-cı il tarixli fərmanı ilə ona Sosialist Əməyi Qəhrəmanı adı verilib.

2002-ci ildən – Prezident təqaüdçüsü olub. (APA)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Poçt xidmətində qiymətlər bahalaşdı –

Sonrakı məqalə

Prokuror sayt rəhbərinə 4 il həbs cəzası tələb edib