“Sülh Zelenskinin sonu deməkdir” –MEDVEDYEV

“Ukrayna Prezidenti Vladimir Zelenskiyə sülh müqaviləsi lazım deyil, çünki sülh, onun sonu deməkdir”.

Bunu Rusiya Federasiyası Təhlükəsizlik Şurasının sədr müavini, Rusiya Federasiyasının sabiq prezidenti Dmitri Medvedev “Telegram” kanalında yazıb.

“Zelenskiyə heç bir sülh müqaviləsi lazım deyil. Onun üçün sülh sondur: Ya moskvalılarla sövdələşməyə getdiyinə görə nasistlər tərəfindən asılacaq, ya da müharibədə məğlub olan prezident kimi rəqibləri tərəfindən vəzifəsindən uzaqlaşdırılacaq”, – Medvedev bildirib.

Təhlükəsizlik Şurasının sədr müavini vurğulayıb ki, Ukrayna lideri Qərbdən pul və silah istəməyə davam edəcək, həmçinin, xalqın qayğısına qaldığını imitasiya edəcək.

Əvvəlki məqalə

Rusiya xaricdən gətirilən silahların saxlandığı anqarları vurmağa başlayıb

Sonrakı məqalə

NATO Rumıniyada yeni döyüş qrupu yaradıb –