Yevlaxda 13 yaşlı qardaşı qızını qaçıraraq təcavüz etməkdə şübhəli bilinən Elçin Mustafayev barəsində həbs qətimkan tədbiri seçilib.
Bu barədə APA-nın sorğusuna cavab olaraq Daxili İşlər Nazirliyinin Mətbuat Xidmətinin Bərdə regional qrupundan bildirilib.
Qeyd edilib ki, faktla bağlı Yevlax Rayon Polis Şöbəsində Cinayət Məcəlləsinin 150.3.3 (On dörd yaşına çatmayan şəxsə qarşı seksual xarakterli hərəkətlər etmə) və 152.2-ci (On dörd yaşına çatmayan şəxslə cinsi əlaqədə olma) maddələri ilə cinayət işi başlanılıb.
E.Mustafayev barəsində həbs qətimkan tədbiri seçilib, istintaq davam etdirilir.
Xatırladaq ki, Yevlaxda 13 yaşlı qızın itkin düşməsi, E.Mustafayevin qardaşı qızını qaçırması barədə ilk xəbəri APA yayıb.
