“Rusiya və Ukrayna arasında sülh müqaviləsi ən tez bir-iki həftəyə, ən geci may ayına qədər əldə olunacaq”.
Azpost.info bildirir ki, bu barədə Ukrayna Prezidentinin Ofis rəhbərinin müşaviri Aleksey Arestoviç jurnalist Mark Feyqin youtube-kanalına açıqlamasında deyib.
“Hesab edirəm ki, mayın əvvələrinə qədər sülh müqaviləsini bağlamalıyıq. Ola bilsin bundan daha tez olsun. Baxarıq… Mən ən gec müddəti götürürəm. Bir-iki həftə ərzində qoşunların çəkilməsi ilə bərabər sülh sazişi əldə olunacaq, ya da…yaxın müddət ərzində danışıb -artıq may ayının sonuna qədər növbəti danışıqlar raunduna qədər bu əldə olunacaq…”-deyə Arestoviç bildirib.
Danışıqların dördüncü raundu dünən videorabitə vasitəsilə ilə aparılıb. Zelenskinin müşaviri Podolyak danışıqlardan sonra bəyan edib ki, texniki pauza götürülüb və danışıqlar bu gün davam etdiriləcək.
