Ələkrəm Hümbətov vəfat edib.
Azpost.info bildirir ki, Azərbaycan müdafiə nazirinin müavini olmuş Ə.Hümbətov 74 yaşında Niderlandda dünyasını dəyişib. O, Azərbaycan Respublikasının ərazi bütövlüyü əlehinə, milli maraqlarına zidd olan mövqeyinə görə Azərbaycan vətəndaşlığından çıxarılıb.
Azərbaycan Xalq Cəbhəsınin təsisçilərindən biri və idarə heyətinin üzvü olub. 1990-cı ilin avqustundan 1991-ci ilin dekabrına kimi Azərbaycan Sosial Demokrat Partiyasının üzvü olub.
Ələkrəm Hümmətov 1993-cü ilin avqustunda ölkədə mövcud olan siyasi böhrandan sui-istifadə edərək Cənubda yerləşdirilmiş hərbi hissələri, icra aparatlarını və hüquq-mühafizə orqanlarına tabeçiliyi ələ keçirib. Daha sonra Azərbaycanın tərkibində “Talış-Muğan Respublikası”nın yaradıldığını elan edib və mərkəzi hakimiyyətlə güc mövqeyindən dialoq aparmağa cəhd göstərib.
Azərbaycan prezidenti Heydər Əliyevin qəti mövqeyi və xalqın birmənalı gücü ilə xaricdən dəstəklənən bu avantura iflasa uğrayıb və qiyamçılar darmadağın edilib.
Azərbaycan Respublikası Ali Məhkəməsinin 12 fevral 1996-cı il tarixli hökmü ilə ölüm hökmünə məhkum edilib. Ölüm cəzası ləğv edildikdən sonra ömürlük həbs alıb. Azərbaycan Respublikasının Prezidenti İlham Əliyevin 3 sentyabr 2004-cü il tarixli 119 nömrəli Fərmanı ilə əfv olunub.
2005-ci ildə Azərbaycan vətəndaşlığından çıxarılıb.
