“Ərzurum vilayətinin Uzundərə rayonunu Artvin şəhəri ilə birləşdirən 2 246 metr uzunluğa malik Pirinkayalar tuneli Qafqaz istiqamətinə yönələn əlaqələri də asanlaşdıracaq”.

Bu barədə Türkiyə Prezidenti Rəcəb Tayyip Ərdoğan Türkiyə ilə Qafqaz ölkələrini birləşdirəcək Pirinkayalar avtomobil tunelinin açılışında bildirib.

Qeyd edək ki, xalq arasında “ölüm yolu” adlandırılan yeni tunel Türkiyədən Gürcüstan sərhədinə uzanan marşrutda mühüm keçid olacaq və şimal-şərqi Anadolunun dağlıq bölgələri ilə yükdaşımaları asanlaşdıracaq.

Cənubi Qafqaz istiqamətində açılan yeni tunelin Türkiyənin bu bölgəsində turizmin inkişafına önəmli töhfə verəcəyi də gözlənilir.