2 gün əvvəl müdafiə naziri təyin edilən Fransanın keçmiş iqtisadiyyat və maliyyə naziri Bruno Le Mer tutduğu vəzifədən istefa verib.
AzPost bildirir ki, o, bu barədə sosial şəbəkədə məlumat verib.
Le Mer bu qərarı onun təyinatı müxalifət tərəfindən tənqid olunduqdan və Fransanın baş naziri Sebastien Lekornu istefa verdikdən sonra verib.
“Qeyd edirəm ki, mənim qərarım bəzi insanlar arasında anlaşılmaz, yalan və qeyri-mütənasib reaksiyaya səbəb olur. Bu halları nəzərə alaraq, mən bu səhər prezidentə təklif etdim ki, səlahiyyətlərimi Baş Nazirə ötürəm. Prezident mənim təklifimi qəbul etdi”, – o yazıb.
Bruno Le Mer də onun qərarının Fransanın yeni Nazirlər Kabinetinin tərkibi ilə bağlı danışıqların qarşısının alınmasına kömək edəcəyinə ümid etdiyini bildirib.
Əvvəllər xəbər verildiyi kimi, sentyabrın 9-da Fransanın baş naziri təyin edilmiş Sebastyan Lekornu istefa ərizəsi verib və Fransa prezidenti onu qəbul edib.
