Hollivud ulduzu, aktrisa Ancelina Colinin Bred Pittin ailə daxilindəki sui-istifadəsi ilə bağlı Federal Tədqiqat Bürosuna qarşı irəli sürdüyü iddiasının geri götürüldüyü barədə məlumat yayılıb.
Azpost.info bildirir ki, xəbəri “Daily Mail” nəşri yayıb.
Bir neçə il əvvəl agentlik bu qalmaqallı işi araşdırmaqdan imtina etdiyi üçün aktrisa FTB-ni başqa adla məhkəməyə vermişdi.
Ancelina Coli təsdiq edib ki, o həqiqətən də FTB-yə qarşı qaldırdığı iddiasını geri götürüb, çünki agentlik həmin ərəfələrdə bununla bağlı apardığı araşdırmalardan sonra ulduz aktyor Bred Pittin öz ailəsinə qarşı aqressiv davranışı ilə bağlı cinayət ittihamı irəli sürməkdən imtina edib.
“Daily Mail” nəşrinin yazdığına görə İddia 2016-cı ildə qaldırılıb, ərizəçi “Miss Doe” nümunəsi altında çıxış edib. 2022-ci ilin avqustunda isə bu sənəddə dəyişikliklər edildi və bunun sayəsində media iddianın məhşur cütlük kimi tanınan Coliyə, eləcə də Pittə aid olduğunu təsdiqləyə bildi.
Məlum olduğu kimi Federal Təhlükəsizlik Bürosunun tədqiqatçıları şikayətin daxil olduğu 2016-cı ildən bəri şəxsi təyyarədə baş verən qalmaqalı, ər-arvad arasındakı yaranan kəskin mübahisəni araşdırmağa başlamışdı. Ancelina Colinin o zaman və ilk dəfə verdiyi ifadəsinə görə, Pitt uçuş zamanı özünü çox aqressiv aparıb.
Ancelina Colinin dediyinə görə o ata kimi qardaşının müdafiəsinə qalxmaq istəyən oğullarından birinin boynundan tutub və digərinə isə sillə vurub. Aktyor hətta onu sakitləşdirmək istəyən həyat yoldaşını da itələyib. Hətta Pittin öz həyat yoldaşının və uşaqlarının üzərinə şərab, pivə atması, təyyarədə ailə üzvlərini təhdid etməsi də iddia olunur.
Hadisədən bir neçə gün sonra isə məhşur aktrisa Hollivud ulduzu olan aktyor Bred Pittdən ayrılmaq qərarını verib. Ancelina Coli ərindən boşanmaq üçün məhkəməyə müraciət edib. Lakin Pitt öz növbəsində bütün ittihamları rədd edib.
Yaranmış böyük səs-küyə və qarşı tərəfin çox ciddi ittihamlarına baxmayaraq FTB Colinin şikayətini tam geniş araşdıraraq nəzərdən keçirib, lakin ciddi arqumentlər olmadığından agentlik məhşur amerikalı kimi milyonların sevimlisi olan Bred Pittə qarşı ciddi ittiham irəli sürməyib.
Belə bir nəticədən sonra çox qəzəblənən aktrisa Ancelina Coli şiddətlə bu şöbəni, FTB-ni qınayıb və onları fəaliyyətsizlikdə ittiham edib. Daha sonra isə zərərçəkmiş şəxs kimi o öz hüquqlarının pozulduğunu iddia edən Coli növbəti dəfə də hərəkətə keçib və Federal Təhlükəsizlik Bürosuna qarşı məhkəmə iddiası qaldırıb.
“Daily Mail” nəşrinin yazdığından məlum olduğu kimi bir neçə gün öncə isə məlum olub ki, artıq Hollivudun ulduz aktrisası Ancelina Coli FTB – yə qarşı iddiasını geri götürüb.
Oqtay Qorçu
