ABŞ-ın İran, Suriya, Rusiya, Çin və Kubaya qarşı tətbiq etdiyi sanksiyalar yalnız sadə və heç bir günahı olmayan insanlara qarşı yönəlib.
AZƏRTAC xəbər verir ki, bu sözləri İranın Xarici İşlər naziri Məhəmməd Cavad Zərif deyib. O, ABŞ-ın sanksiyalarını iqtisadi terrorçuluq adlandırıb. Nəzərə çatdırıb ki, bu sanksiyalar milyonlarla sadə insanın həyatını çətinləşdirməklə onları aclığa və xəstəliklərə məruz qoyur.
Xatırladaq ki, ötən həftə ABŞ İranın bir sıra dənizçilik şirkətləri ilə yanaşı, diplomatlarının, hakimlərinin və vəkillərinin adlarını da sanksiyalar siyahısına əlavə edib.
