“Xəzər regionu Rusiya üçün çox vacibdir”.
Azpost.info xəbər verir ki, bunu Rusiya Baş naziri Mixail Mişustin II Xəzər İqtisadi Forumunun plenar iclasında bildirib.
Onun sözlərinə görə, Xəzər regionu mədəniyyətlərin, sivilizasiyaların və dinlərin qovşağına çevrilib, burada müxtəlif millətlərin və dinlərin nümayəndələri həmişə bir-birinə hörmət və mehribanlıqla yanaşıblar.
“İlk növbədə, Avrasiyanın mərkəzində, nəqliyyat və enerji arteriyalarının kəsişməsindəki strateji mövqeyini nəzərə alaraq, Rusiya üçün Xəzər böyük əhəmiyyət kəsb edir”, – Mişustin deyib.
O qeyd edib ki, forum çərçivəsində enerji və nəqliyyatdan tutmuş, investisiya və turizmə kimi bir çox sahələrdə əməkdaşlığı gücləndirmək üçün təkliflər hazırlanır: “Fərqli maraqlarımız ola bilər, lakin biz dialoq yolu ilə qarşılıqlı faydalı həll yollarını tapa bilirik”.
Azpost.info
