Ukrayna Silahlı Qüvvələrinə məxsus PUA-lar Rusiyanın Volqoqrad vilayətində hava limanına hücuma cəhd edib.
Azpost.info rus teleqram kanallarına istinadən xəbər verir ki, Kalaç-Don şəhərinin sakinləri səhər saat 3:30 radələrində səmada partlayışlar barədə məlumat verməyə başlayıblar. İlkin məlumatlara görə, dronların hədəfi şəhərdən bir neçə kilometr aralıda yerləşən Oktyabrski kəndindəki Marinovka aerodromudur.
Hazırda ən azı iki PUA-nın vurulduğu məlumdur: onlardan biri aerodromdan bir neçə kilometr aralıda məhv edilib, ikincinin dağıntıları isə yaxınlıqdakı obyektin üstünə düşüb və nəticədə onun alovlanmasına səbəb olub.
İlkin məlumatlara görə, itki yoxdur. Hələlik rəsmi məlumat yoxdur.
Volqoqrad hava limanı İHA hücumu təhlükəsi səbəbindən bağlanıb.
Bir neçə uçuş və eniş reysi gecikir.
