Livanın cənubunda güclü partlayışlar baş verib.
Azpost.info bildirir ki, İsrail Hərbi Hava Qüvvələri bir sıra əhalinin məskunlaşdığı ərazilərə, o cümlədən Dir Qanun, Kəbriha, Mənsuri və digərlərinə zərbələr endirir.
İsrail Müdafiə Nazirliyinin mətbuat xidməti bildirib ki, onlar Hizbullah hədəflərini vururlar. Öz növbəsində İsrail Ordusunun Baş Qərargah rəisi Livanla sərhəddə əməliyyat planlarını təsdiqləyib.
Son iki gündə Livanda da partlayışlar baş verib. Sentyabrın 17-də ölkənin müxtəlif yerlərində peycerlər kütləvi şəkildə partlayıb. Son məlumatlara görə, ölkənin müxtəlif bölgələrində baş verən silsilə partlayışlar nəticəsində 25 nəfər həlak olub.
