Qovun
Özbəkistanda qovun zirzəmiləri qış boyu təzə tərəvəzləri saxlamaq üçün istifadə edilən ənənəvi üsuldur.
Azpost.info xəbər verir ki, özbək qovunları qalın qabıqları və davamlı quruluşu sayəsində təravətini uzun müddət saxlaya bilən xüsusi növlərdir. Bu qovunları qorumaq üçün tikilən yeraltı zirzəmilər regionun iqlim və coğrafi şəraitinə uyğun layihələndirilib.
Qovun zirzəmiləri yerin altında və ya divarları kərpicdən tikilir. Bu zirzəmilər isti yay günlərində sərin olsa da, qışda şaxta təsir etmir və beləliklə, təbii üsullarla qovunların təzə qalmasını təmin edir.
Zirzəmilərə diqqətlə qoyulan qovunlar adətən sentyabr və ya oktyabr aylarında yığıldıqdan sonra qışa tədarük üçün saxlanılır.
Qışda, xüsusən də toy, bayram kimi xüsusi günlərdə süfrəyə gətirilən bu qovunların özbək mədəniyyətində ənənəvi yeri var. Özbəkistanın hər bölgəsində müxtəlif növ qovun yetişdirilir və bunların dadı, saxlanma müddəti və ətri bölgədən asılı olaraq dəyişir. Bu mədəniyyət həm də özbək xalqının əkinçilik müdrikliyini və təbiətə uyğun həyat tərzini əks etdirən mühüm irsdir.
