Hollivud ulduzu, Denzel Vaşinqton yeni çəkilən “Qara Pantera 3” filmində iştirak etmək üçün Vakanda səfər edəcək. Kino ulduzu bildirib ki, Rayan Kuqler ona rol yazır.
Azpost.info bildirir ki, xəbəri “Comic Book” saytı yayıb.
“Qladiator 2” filmində baş rollardan birini oynayan məşhur Hollivud aktyoru Denzel Vaşinqton özü də təsdiq edib ki, “Marvel” komikslərinin süjeti əsasında çəkilən yeni “Qara Pantera” üçüncü filmində çəkilmək üçün o, Vakanda gedəcək. Məşhur aktyor deyib ki, ilk iki filmin rejissoru olan Rayan Kuqler filmin ssenarisi üzərində işləyir və ondan ötrü xüsusi rol yazır. İki dəfə Oskar mükafatı almış məşhur aktyor bu barədə “Qladiator 2” promo-turunda danışıb.
Bir neçə gün əvvəl öz aktyor karyerasının müzakirəsi ərəfəsində Denzel Vaşinqton Avstraliyanın televiziya kanalına verdiyi müsahibəsində etiraf edib ki, həqiqətən də “Qara Pantera” haqqında növbəti film də daxil olmaqla, kinoda oynayacağı hələ bir neçə rolu qalıb.
Məşhur aktyor deyib: “Mənim öz seçimim həmişə rejissorun kim olmasından asılı olub, bu, həm də aktyor karyeramın indiki mərhələsində xüsusilə vacibdir. Mən yalnız ən yaxşılarla birlikdə oynamaqda maraqlıyam. Düzünü desəm, mən indi deyə bilmərəm ki, bundan daha sonra neçə filmdə və hansı aktyorlarla rol almağım qalıb, çox güman qalıb… Onların çoxu yoxdur, elə buna görə mən əvvəllər etmədiyim bir şeyi sınamaq istəyirəm, 22 yaşında Otellonu oynadım və 70 yaşında yenidən oynayacağam. Stiv Makkuinlə də bir film barədə söhbət aparmışam. Sonra da mən öncə Hannibalı, ardınca da “Kral Lir”-i oynamaq fikrindəyəm. Söylədiyim kimi Rayan Kuler mənim üçün xüsusi rolu olan yeni, müstəqil bölüm olaraq nəzərdə tutulan “Qara Pantera” filminin ssenarisi üzərində işləyir. Bütün bunlardan sonra isə öz rollarımı oynayıb yəqin ki, təqaüdə çıxacağam”. Aktyor həmçinin də veteran oyunçu olduğunu xüsusi qeyd edib.
Qeyd edək ki, “Marvel Studios” hələlik bu yeni layihə ilə bağlı, yəni “Qara Pantera” seriyasındakı növbəti filmin hal-hazırda işlənib hazırlanması barədə mediaya heç bir açıqlama verməyib. Lakin mətbuatda artıq Denzel Vaşinqtonun ulduz kimi də təqaüdə çıxacağı xəbərləri dolaşır.
Oqtay Qorçu
