Ağcabədidə itkin düşdüyü ehtimal olunan yeniyetmənin meyiti tapılıb.
AzPost xəbər verir ki, bu barədə FHN-in Mətbuat xidməti məlumat yayıb.
Məlumata görə, fevralın 6-da Yuxarı Qarabağ kanalının Ağcabədi rayonu, Xocavənd kəndindən keçən hissəsində batmış 2008-ci il təvəllüdlü Həsənov Adil Əkbər oğlunun meyiti Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin Aran dalğıc-axtarış qrupu tərəfindən suda tapılıb çıxarılaraq aidiyyəti üzrə təhvil verilib.
Xatırladaq ki, 1976-cı il təvəllüdlü Həsənov Əkbər Adil oğlu Ağcabədi RPŞ-nə ərizə ilə müraciət edərək fevralın 4-də övladı 2008-ci il təvəllüdlü Adil Həsənovun evdən çıxaraq geri qayıtmadığını bildirib.
Araşdırma zamanı Adil Həsənova məxsus “Redmi” markalı mobil telefon Yuxarı Qarabağ kanalının kənarında tapılıb.
