Tramp Zelenski ilə gələn həftə görüşəcəyini bəyan edib
ABŞ prezidenti Donald Tramp gələn həftə Vaşinqtonda Ukrayna prezidenti Vladimir Zelenski ilə görüşəcək.
AzPost Röyter-ə istinadən bildirir ki, bu barədə Tramp bu gün Ağ Evdə Yaponiyanın Baş naziri Şiqeru İşiba ilə görüşdən əvvəl jurnalistlərə açıqlamasında bəyan edib.
Trampdan vitse-prezident Vensın gələn həftə Avropaya səfəri zamanı Zelenski ilə görüşüb-görüşməyəcəyi sualına ABŞ prezidenti deyib: “Yəqin ki, gələn həftə prezident ilə görüşəcəm”.
Tramp əlavə edib ki, özü də Avropaya getməyəcək və görüş Vaşinqtonda baş tuta bilər.
Ağ Ev rəhbəri əlavə edib ki, o, Rusiya prezidenti Vladimir Putinlə də danışmaq niyyətindədir, gələcəkdə şəxsi görüş keçirəcəyini istisna etmir: “Mən yəqin ki, prezident Putinlə danışacağam. Mən bu müharibənin bitməsini istəyirəm”.
