Xəzər dənizinin Sumqayıt sahilində faciəvi hadisə baş verib.
APA-nın məlumatına görə, Bakıdan Sumqayıt çimərliyinə gələn 15 yaşlı iki yeniyetmə dənizdə çimərkən boğulma təhlükəsi ilə üzləşib.
Onlardan biri sudan çıxmağı bacarıb. Digərinə kömək etmək istəyən şəxs isə onunla birlikdə boğulub.
2009-cu il təvəllüdlü Cabbarov Əli və ona yardım etməyə çalışan şəxs həyatını itirib. Hazırda onların axtarışları davam etdirilir.
