Alimlər maqnit qasırğalarının insanlara təsirini təkzib ediblər.
AzPost bildirir ki, Lebedev adına Fizika İnstitutunun Astrokosmik Mərkəzi bəyan edib ki, maqnit qasırğaları orqanizmə birbaşa təsir göstərmir.
“Bizim maqnit sahələrinə həssas orqanlarımız yoxdur” -deyə mərkəzin əməkdaşı Vyaçeslav Avdeyev izah edib.
O, həmçinin qeyd edib ki, maqnit sahəsinin daha güclü olduğu MRT müayinəsi zamanı belə insanlar onun təsirini hiss etmirlər. Mütəxəssisin sözlərinə görə, maqnit fırtınaları zamanı baş ağrıları maqnitosferin vəziyyəti ilə deyil, digər amillərlə bağlıdır.
