ABŞ yaxşılığa doğru “əsrin dönüşünü” yaşayıb.
Azpost.info bildirir ki, bu barədə prezident Tramp Konqresdə illik hesabatla bağlı çıxışında bəyan edib.
“Millətimiz geri qayıdıb – əvvəlkindən daha böyük, daha yaxşı, daha zəngin və güclü. Bu, Amerikanın qızıl dövrüdür”, – deyə ABŞ prezidenti çıxışında bildirib. O, ABŞ sərhədlərinin təhlükəsiz olduğunu, iqtisadiyyatın əvvəlkindən daha güclü olduğunu və “Amerikanın düşmənlərinin qorxuduğunu” bəyan edib.
Tramp ABŞ-ın iqtisadi uğurlarını, xüsusən də aşağı benzin qiymətlərini, sabitləşmiş inflyasiyanı və yaxşılaşan mənzil bazarını vurğulayıb.
Xarici siyasətə gəldikdə isə, o, İsrail girovlarının HƏMAS əsirliyindən qayıtmasını xatırladıb. Çıxış Rusiyanın tammiqyaslı işğalının dördüncü ildönümünə təsadüf etməsinə baxmayaraq, Ukraynadakı müharibədən qısaca bəhs edilib. Tramp administrasiyasının müharibəyə son qoymaq üçün “çox çalışdığını” bildirib.
Tramp həmçinin immiqrasiya məsələsinə toxunaraq qeyd edib ki, Demokratlara səs vermək ABŞ sərhədlərinin açıq olması üçün səs vermək demək olacaq. Daha sonra Tramp bəyanatla razılaşan Konqres üzvlərinin ayağa qalxması üçün müraciət edib: “ABŞ hökumətinin əsas məsuliyyəti qanunsuz immiqrantları deyil, Amerika vətəndaşlarını qorumaqdır”. Demokratlar yerlərindən qalxmayıb, Respublikaçılar isə ayağa qalxıb uzun müddət alqışlayıblar.
Trampın çıxışı təxminən bir saat 47 dəqiqə davam edib. Bu, 2025-ci ildəki çıxışından uzun olub.
