Rusiyalı UFC döyüşçüsü Şarabutdin Maqomedovun məşqçisi Qor Azizyan Bakıdadır.
Azpost.info bildirir ki, o, səfərin fotosunu İnstaqram profilində paylaşıb.
Azizyan əvvəllər Azərbaycan paytaxtına səfər etmək istədiyini bildirib.
Bu ilin aprel ayında o, YouTube-dakı “Probesport” podkastında deyib: “Niyə Bakıya getməməliyəm? UFC turnir keçirir. Mən heç bir səhv etməmişəm. Narahat olmağa heç bir səbəbim yoxdur. Ermənilər məni xain və ya xalq düşməni adlandıracaqları üçün döyüşçümü həqiqətən rahat buraxmalıyam? Müharibə bitib.
Bütün bu söhbətlərə son qoymağın vaxtıdır. Biz dost olmalıyıq. Döyüşmək istəyənlər döyüşsünlər. Mən müharibə haqqında düşünmürəm.”
