Azpost.info “Vəkil şərhi” layihəsində növbəti sorğunu cavablandırır.
Polis sizi küçədə saxladıqda şəxsiyyət vəsiqənizi təqdim etməyə məcbursunuzmu?
Bəli. Azərbaycan Respublikasının qanunvericiliyinə əsasən, polis qanunla nəzərdə tutulmuş hallarda şəxsin kimliyini müəyyən etmək məqsədilə şəxsiyyətini təsdiq edən sənədin təqdim edilməsini tələb edə bilər. Vətəndaş bu qanuni tələbi yerinə yetirməlidir.
Lakin bununla yanaşı, polis əməkdaşı da öz səlahiyyətləri çərçivəsində hərəkət etməli, özünü təqdim etməli, xidməti vəsiqəsini göstərməli və saxlanılmanın və ya sənəd tələb edilməsinin səbəbini izah etməlidir.
